مقدمة عن الأخلاق للأطفال - الحصة الأولى من منهج لقمان والحجرات

أول حاجة بيلونوا الغلاف بتاع كتاب القرآن ويكتبوا عليه اسمهم ونقوللهم ان اللي ع الغلاف دة اسم السورة وانها سورة كبيرة بس احنا في الكورس ان شاء الله حنتعلم حوالي صفحة منها.

بعد كدة بنغنيلهم أو نسمعهم أو نفرجهم على أغنية الأخلاق الحلوة وممكن نعملها في هيئة مسرح عرايس لواحد راجعمن المدرسة زعلان عشان صحابه بيغلسوا عليه وبيحكي لأخوه وبعدين بيغنوا الأغنية مع بعض..

كلماتالأغنية موجودة عندهم في تاني صفحة من صفحات كتاب لقمان

وممكن كمان نغني أغنية كاللؤلؤ والمرجان بتاعت الكرتون:

كاللؤلؤ والمرجان حديثه براق

رسولنا الذي أتى ليتم مكارم الأخلاق

علمنا الأدب للخير وجهنا

وحديثه حكم ونصح للقلب دواء

بالصدق أوصانا وبحفظ الأمانة

والعمل عبادة لله وبالله رجانا

نشيد عن خلق المسلم

بعد كدة نبدأ نقاش عن الأخلاق ونستعين بالصفحة الأولى في الكتاب ونخليهم هم يحكوا حكايات حصلتلهم

نتخيل لو مفيش أخلاق كان حيحصل ايه؟طب لو كنا بنقرا قرآن ونصلي وكل حاجة بس أخلاقنا وحشة؟طب ينفع المسلم يبقى أخلاقه وحشة؟

طب ليه تبقى أخلاقنا حلوة؟

1- الجنة: أكثر ما يدخل الناس الجنة تقوى الله وحسن الخلق

2 – حب الله: أحب عباد الله إلى الله أحسنهم أخلاقا

3 – حب الرسول: إن من أحبكم إلي وأقربكم مني يوم القيامة أحاسنكم أخلاقا

4- أثقل شئ في الميزان يوم القيامة: ما من شئ في الميزان أثقل من حسن الخلق

إن الرجل ليدرك بحسن خلقه درجات قائم الليل صائم النهار

حديث اللي بتصلي كتير بس بتؤذي جارتها--هي في النار

والتانية في الجنة

طب الأخلاق الوحشة بتجيلنا ازاي؟   قصة خلق آدم والشر من طين مختلفة

1- وراثة: ربنا وزع الأخلاق زي ماوزع الأرزاق

2- نتعلم من اللي حوالينا في البيت والمدرسة

3- نتعود عشان عملناها كتير

 بس كل واحد ربنا حيديله ثواب على أد تحسنه في الصفات – كل واحد الامتحان بتاعه في الخلق اللي ناقص عنده

يعني نقدر نغيرها؟ اه

إنما العلم بالتعلم وإنما الحلم بالتحلم وإنما الصبر بالتصبر

إزاي؟

ندعي ربنا ونجاهد نفسنا

والذين جاهدوا فينا لنهدينهم سبلنا

نفتكر دايما ان ربنا شايفنا وان كل حاجة بنعملها أو بنقولها بتتحسب

طب لو حد ضايقني أو عمللي حاجة وحشة؟

لا تزر وازرة وزر أخرى - ربنا حيحاسبني على رد فعلي وبرده ممكن اخد حقي بس منغير ظلم لأن كله محسوب بدقة في ميزان العدل

طب لو صعب؟

ربنا يعلم اللي جوانا ويعلم صعب أد ايه وكل مانحاول اكتر ناخد حسنات اكتر في الميزان

الصبر زي الدوا بيبقى طعمه وحش في الأول بس بيخلينا نخف لازم نصبر عليه

مانستعجلش مش حنقدر نبقى حلوين في كل حاجة في يوم واحد عشان كدة احنا هنا حنساعد بعض وناخد كل أسبوع خلق نحاول نتعود عليه طول الأسبوع

لا يكلف الله نفسا إلا وسعها

كل العبادات بتعلمنا الأخلاق:

الصلاة: تنهى عن الفحشاء والمنكر

الصدقة: تبسمك في وجه أخيك صدقة

الصيام: فإن .. فليقل إني صائم

الحج: فلا رفث ولا فسوق ولا جدال في الحج

إن الله لا يغير ما بقوم حتى يغيروا ما بأنفسهم

ربنا خلقنا عندنا استعداد للتغيير بس لازم نتدرب

لازم نمرن نفسنا على الأخلاق زي ما بنمرن عضلاتنا بالضبط

ممكن حد يبقى قوي بالوراثة بس من كتر الكسل يضعف

وممكن حد يبقى ضعيف بالوراثة بس بالتمرين عضلاته تقوى

وزي القراءة والكتابة كمان
ندعي ربنا كتير انه يساعدنا نبقى أخلاقنا حلوة

(( اللهم اهدني لأحسن الأخلاق لا يهدي لأحسنها إلا أنت، واصرف عني سيئها لا يصرف عني سيئها إلا أنت))

وكل ما نبص في المراية ونشوف ازاي ربنا خلقنا شكلنا جميل نقول الدعاء دة: 

تزكية النفس: تطهير (تخلية) وتطوير (تحلية)

نشيل الحاجات الوحشة ونحط حاجات حلوة

نعرف عيوبنا إزاي؟

نسمع الناس اللي بتقوللنا

من اللي حوالينا أو حتى من اللي مش بيحبونا

ولما نعرف النبي (ص) كان بيعمل ايه

نعرف احنا بنعمل صح ولا غلط

لازم نفكر بعض

لو حد نصحنا مانزعلش بالكس دة ربنا باعتهولنا يفكرنا

نفكر مامتنا وبابانا واخواتنا واخواتنا واصحابنا

ونقوللهم ان الأخلاق الوحشة دي من الشيطان

واننا لازم نحسنها

نقرا قرآن كتير ونفهمه عشان بيعلمنا الأخلاق

نقلد سيدنا محمد عليه الصلاة والسلام

كان رسول الله (ص) أحسن الناس خلقا

نعرف هو كان بيعمل ايه مع الناس  ونتعلم منه

وإنك لعلى خلق عظيم

والأنبياء والصحابة

نصاحب الناس اللي أخلاقها حلوة عشان نتعلم منها

نشوف كل واحد ايه أحلى خلق فيه ونقلده

البر حسن الخلق والإثم ما حاك في صدرك وخشيت أن يطلع عليه الناس

إن أكمل المؤمنين إيمانا أحسنهم خلقا

سباق الأخلاق:

مين حيبقى أقرب واحد للنبي؟

هدفنا ايه من الترم دة؟ أكون أقرب واحد من النبي يوم القيامة

نوريهم شجرة الأخلاق ونقوللهم اننا كل ما حناخد خلق جديد من السورة ان شاء الله حنطبقه طول الاسبوع ونبعت تسجيل على الموبايل للمواقف اللي بتحصللنا لها علاقة بالخلق دة واللي حيعمل كدة حيكسب وردة الخلق دة ان شاء الله يلزقها على شجرته المرة اللي بعدها

وممكن في الآخر كل واحد ياخد حديث معاه يقراه ويفهمه و يسجهولنا على جروب الواتس اب:

دي نماذج لتلخيص الحصة اللي المدرسات سلموها قبل كدة تتبعت لأولياء الأمور على الواتس اب: (دي بتكون لوحة بتستلمها كل مدرسة لكل حصة في ضهر جدول التقييم بيتكتب ويتمسح عليها بالماركر كل حصة ولازم المدرسة تصورها كلها في آخر اليوم وتبعتها للمشرفة)

فيديوهات جديدة من أول حصة 2017